Napanood ko na nga ang Pirates of the Carribean: At World’s End noong Sabado…di naman gaanong ka-haba sa maling akala ko.  Medyong okey naman, sulit talaga sa aksyon (lalo nga sa huli kung saan nagpakasal sina Will Turner at si Elizabeth Swann habang lumalaban sila ng pirata kaliwa’t kanan).  Napakaganda ang kuha nila ng mga dalawang barkong naglalabanan habang lumulunod sila sa maelstrom. 

Aba siyempre, riot tala si Johnny Depp bilang ang lasenggong pasaway na si Capt. Jack Sparrow.  Para siya walang kiyeme pag naguusap siya sa kanyang sarili, nakabitiw sa hikaw niya ang kanyang konsyensya.    Di rin maiiwan ang Brethren council na puro mga pirata na nga, sa wika ni Capt. Barbossa, “from the four corners of the world”…me mga taga-Pranses, taga-Espanya, me Bumbay at African pa (akala ko nga magsasabi ang Bumbay, “5-6!! 5-6!!!!”) .  Okey rin ang paglalabas rin ni Keith Richards bilang taga-hawak ng Pirate Codex sa eksenang iyan.  Pero sa tingin ko di gaanong napakita ang husay ni Chow Yun-Fat sa kanipisan ng papel niya roon.

Sa totoo lang, minsan kakailangan ka manoorin ang dalawang pelikulang nanguna rito para maintidihan mo ila’t ilang mga eksena roon (lalo nga tungkol sa totoong anyo ni Tia Dalma).   Kahit nga, maaliw ka rin sa kagalingan ng mga sfx na ginagamit sa karamihan sa eksena roon (lalo nga tungkol sa mga talangka at ang Black Pearl  sa buhangin) 

 Wow, ang sarap…..

   Buti nga sa iyo, Davy Jones…..

 Puwera nga, sayang sana naging mas maganda king di masyadong binudburan  ng subplot lalo nga sa unang kalahati ng pelikula.  Pero magpakasalamat sa direktor na si Gore Verbinski na medyo mahusay ang pacing niya, di niya kinalimutan ang pagtutunguhan ng pelikulang ito, para patuwahin di lang mga bata pero pati nga ang magulang nila.