Kanina lang nabasa ko itong artikulo sa Yahoo tungkol sa maaring pagkukulong sa sikat ng hotel heiress na si Paris Hilton.  Ang paghahatol sa kanya ng isang korte sa Los Angeles ng 45 araw sa county jail sa dahilan ng paglalabag sa probation tungkol sa kasong pagmamaneho habang lasing ay naging sindak sa babaing itinaguring prinsesa di lang dahil sa buhay niya bilang anak-mayaman pero dahil bawat galaw niya pinapayagang i-cover ng media.   Pagkatapos ng pagbasa ng hatol, napamura ang ina ni Paris na si Kathy sa jury; di tumagal pati pinatalsik niya ang matagal niyang matapat na PR na si Elliot Mintz.

Di ba, siya nga ang nagpasikat sa “reality-show” na genre na ang punto roon ay ang pagsusubaybay ka ng kamera mula sa paggising hanggang sa pagtutulog…ang dating roon, sa napakaganda ang buhay mo, dapat igawang seryeng pang-telebisyon pa….

Sa tingin ko…maraming posibilidad na mangyayari kapag itatanggap ni Ms. Hilton ang pagkukulong niya na magsisimula sa June 5:

1. Ang magiging susunod ng season ng “The Simple Life” ay maging “The Really REALLY Simple Life”…sa loob ng selda, bawal ang mga cellphones at Blackberries.   Ang pagkain roon, puro manok na lang ng manok…pero mabuti nga, low-sodium pa (eh, di naman makakasama kung makadagdag ka ng konti sa timbang kahit paano)
2. Ang selda niya roon ay magkasing-laki ng isa sa mga karamihang panamitan sa mansiyon niya.  Sa pagligo, may isang communal shower na puwede ilabas ang mga presong pinaghihiwalayan (kawawa naman siya kung matitipuhan siya ng mga tibo roon…)
3. Sa totoo lang, minsan naging pagkakataon pamatuwid ang pagkakulong… eh tignan mo ang nangyari kay Robin Padilla.  Ang dating “Bad Boy” ng pelikulang Pilipino ay natagpuan ang paniniwalang niyang Muslim habang nasa loob siya… doon siya nabuhay ang matamlay na career niya na hanggang sa paging romantic leading man siya.  Eh pati ang manunulat na si Jessica Zafra, tumataka kung ang pagkaguwapuhan ni Robin pagkalabas niya ay dahil roon  
4. Kung makalaya siya, baka sa pagbabalik sa recording studio, mala-”hardcore” rap ang ilallabas niyang pang-sunod sa kanyang debut na CD.  Eh, nakakita niya ang kalooban ng selda, madali na siya maituturing nakaahon na “street cred” (huwag na lang sana…maghubad ka na lang… hehehe)    

Pero nga di pa tapos ang kabanata sa buhay niya….may mga ilang fan na nag-apela kay Arnold Schwarzenegger, ang gobernador ng California,  sa MySpace page ni Paris kung puwede ibalewala ang hatol bago matapos ang buwan.   Sana matutunan ng malalim ng leksyong yung babaeng iyan sa totoo lang…kung sa Pilipinas, maraming mga artista’t anak-mayaman makatakas sa batas dahil sa salapi nila o sa “kabigatan” ng pamilya nila, mangyayari ba yan sa isang bansa katulad ng Estados Unidos, na ipinagmamalaki ang pagtitingin sa lahat ng tao na pantay-pantay sa ilalim ng kanilang sistemang hustisya?   

  May isa rin mas detalyadong report rito tungkol sa paghatol mula sa Chicago Tribune